Ma’muriy sudlar faoliyati: 101 ta qaror bekor qilindi

Shu davrda 412 ta hokim, 653 ta soliq va 525 ta kadastr organlari qarori haqiqiy emas, deb topildi.

Ma’muriy va fuqarolar o‘zini o‘zi boshqarish organlarining qarorlari ustidan 5 396 ta shikoyat ko‘rildi.
 
Apellyatsiyada viloyat va unga tenglashtirilgan sudlar 2 326 ta ishni ko‘rib chiqdi. Birinchi instansiyadan chiqarilgan 301 ta qaror bekor qilindi, 10 tasi o‘zgartirildi.

Kassatsiya tartibida 1 077 ta ish ko‘rib chiqilib, ulardan 165 ta qaror bekor qilindi va 8 tasi o‘zgartirildi.

Taftish tartibida 1 249 ta ish ko‘rib chiqildi, 105 ta qaror bekor qilindi va 3 ta qaror o‘zgartirildi.

Oliy sudning Ma’muriy ishlar bo‘yicha sudlov hay’ati quyi sudlar tomonidan chiqarilgan 101 ta qarorni bekor qildi.