Prezident tibbiyot sohasi xodimlarini moddiy va ma’naviy qo‘llab-quvvatlashni kuchaytirishga qaratilgan qator choralarni ma’lum qildi.
Asosiy rag‘batlar:
Yillik pul mukofoti: har yili «Tibbiyot va farmatsevtika xodimlari kuni» doirasida davlat tibbiyot muassasalaridagi barcha xodimlar rag‘batlantiriladi.
Innovatsiya uchun mukofot: tumanda yangi davolash usulini joriy etgan shifokorlarga — 21 mln so‘m.
Uzoq yillik mehnat uchun imtiyozlar:
- davlat tibbiyot muassasasida 15 yil ishlagan xodimlarga sanatoriyga bepul yo‘llanma;
- farzandi davlat OTMga o‘qishga kirsa, bir yillik kontrakt summasiga 30 foiz chegirma;
- har yili alohida natija ko‘rsatgan 500 nafar xodimga ipoteka krediti boshlang‘ich badalining 25 foizi davlat tomonidan kompensatsiya qilinadi.
Yuqori texnologiyali yordam: 3 yil va undan ortiq stajga ega xodimlarga zarurat tug‘ilganda yilda bir marta yuqori texnologiyali ixtisoslashgan tibbiy yordam bepul ko‘rsatiladi.
Ilmiy faoliyat: xalqaro indeksatsiyalangan jurnallarda ilmiy maqola chop etishga sarflangan xarajatlar to‘liq qoplanadi.
Kutilishicha, ushbu choralar tibbiyot xodimlarining mehnat unumdorligini oshirish, klinik amaliyotga innovatsiyalarni joriy etish va kadrlar barqarorligini mustahkamlashga xizmat qiladi.
