Fan olimpiadasi oltini uchun 1 mlrd so‘m: yangi rag‘bat tizimi yo‘lga qo‘yilmoqda

Ma’lumotlarga ko‘ra, joriy yilda O‘zbekiston terma jamoasi nufuzli va xalqaro mintaqaviy fan olimpiadalarida eng yaxshi natijani qayd etdi. Xususan, xalqaro kimyo olimpiadasida 2 ta oltin medal qo‘lga kiritilgani, xalqaro informatika olimpiadasida esa mamlakat tarixida ilk bor kumush medal olingani aytilmoqda.

Yangi rag‘batlantirish tizimiga muvofiq, 2025 yil avgust oyidan boshlab nufuzli fan olimpiadalarida oltin medalga sazovor bo‘lgan o‘quvchilar 1 030 000 000 so‘m bilan taqdirlanadi. Shuningdek, mazkur olimpiadalarda oltin olgan har bir o‘quvchi uchun uning ustozi 185 400 000 so‘m mukofot puli olishi ko‘zda tutilgan.

Shu bilan birga, Maktabgacha va maktab ta’limi vazirligi axborot xizmati olimpiada g‘oliblari, ularning ustozlari hamda ota-onalarining fikrlarini qamrab olgan lavha tayyorlagan.