Hozir respublika bo‘yicha ekin maydonlari hududidan o‘tgan 70 ming kilometr uzunlikda ochiq drenaj va kollektorlar mavjud. Agar ular bosqichma-bosqich yopiq tizimga o‘tkazilsa, ekin ekish uchun qo‘shimcha maydonlar yaratish, shuningdek, zovurlarni tozalash bilan bog‘liq xarajatlarni bir necha barobarga qisqartirish imkoniyati yuzaga keladi.
Bu masala, ayniqsa, yer tanqisligi sezilarli bo‘lgan vodiy viloyatlari uchun juda dolzarb hisoblanadi. Shu boisdan mazkur dastur doirasida viloyat hokimlari tajribali tadbirkorlar bilan hamkorlikda belgilangan vazifalarni amalga oshirish va ko‘rsatkichlarga erishish uchun shaxsan mas’ul etib belgilandi.
