Saidaliyev Abrorxo‘ja Rustamxo‘ja o‘g‘li Toshkent shahri Yunusobod tumani hokimi lavozimiga tasdiqlandi.
U 1994 yilda Toshkent shahrida tug‘ilgan. 2017 yilda O‘zbekiston milliy universiteti, 2021 yilda Toshkent davlat iqtisodiyot universitetini tamomlagan. 2018 yildan Mirzo Ulug‘bek tumani hokimligida ishlagan, 2022 yil iyun oyidan ushbu tuman hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari – tuman iqtisodiyot va moliya bo‘limi boshlig‘i lavozimida ishlab kelayotgan edi.
Yunusobod tumani hokimi lavozimida 2022 yil yanvaridan buyon Bahodir Abduvaliyev ishlayotgandi. Tuman hokimligining rasmiy xabariga ko‘ra, u boshqa ishga o‘tgan.
Ismatov Davron Rahimjonovich Toshkent shahri Sergeli tumani hokimi lavozimiga tasdiqlandi.
U 1982 yilda Toshkent shahrida tug‘ilgan, Toshkent moliya instituti hamda Prezident huzuridagi Davlat boshqaruv akademiyasida ta’lim olgan. 2024 yil fevral oyidan Markaziy bank Toshkent shahar bosh boshqarmasi boshlig‘i lavozimida ishlab kelayotgan edi.
Sergeli tumanini 2020 yil avgustidan buyon Elbek Shukurov boshqarib kelayotgandi. Tuman hokimligi matbuot xizmatiga ko‘ra, u o‘z xohishi lavozimini tark etgan.
