Eng ko‘p sanoat korxonasi oziq-ovqat va nometall mineral mahsulotlar sohasida

2025 yilning 1 dekabr holatiga O‘zbekistonda 59,6 mingta sanoat korxonasi faoliyat yuritmoqda. Eng katta ulush oziq-ovqat mahsulotlari hamda boshqa nometall mineral mahsulotlar ishlab chiqarish sohalariga to‘g‘ri keladi.

Milliy statistika qo‘mitasi ma’lumotlariga ko‘ra, respublikadagi sanoat korxonalarining eng ko‘p qismi oziq-ovqat mahsulotlari ishlab chiqarish yo‘nalishida to‘plangan — 11,9 mingta. Ikkinchi o‘rinda esa boshqa nometall mineral mahsulotlar ishlab chiqarish sohasi turibdi — 8,3 mingta. Ushbu yo‘nalishlar sanoat korxonalari tuzilmasida yetakchi hisoblanadi.

Shuningdek, sanoat korxonalari soni bo‘yicha keyingi o‘rinlarda:

kiyim ishlab chiqarish — 6 mingta;
tayyor metall buyumlar ishlab chiqarish — 4,8 mingta;
mebel ishlab chiqarish — 4,1 mingta;
to‘qimachilik mahsulotlari ishlab chiqarish — 3,7 mingta;
rezina va plastmassa buyumlar ishlab chiqarish — 2,8 mingta korxona qayd etilgan.

Mutasaddilarga ko‘ra, bunday taqsimot oziq-ovqat sanoatida ichki bozor talabi barqarorligi, qurilish va infratuzilma jarayonlarida esa nometall mineral mahsulotlarga ehtiyoj yuqoriligi bilan izohlanadi.

Ma’lumot uchun, keltirilgan ko‘rsatkichlar 2025 yil 1 dekabr holati bo‘yicha qayd etilgan.

Tayyorlagan: Отабек Матназаров

#oziq-ovqat #sanoat korxonalari