Prezident energetika sohasi böyiça takliflarni ma’qulladi

Sanoat sohasida esa, joriy yilda 142 ta töqimaçilik korxonasiga quyoş panellarini örnatib, 722 million kilovatt-soat elektr energiyasi va korxonalarning 693 milliard söm mablaği tejalişi kutilmoqda. Şuningdek, içimlik suvi ta’minoti tizimida 300 ta nasosni yangilaş rejalaştirilgan.

Markazlaşgan issiqlik ta’minoti tizimidagi mavjud muammolarga ham alohida e’tibor qaratildi. Ayni paytda issiqlik qozonxonalari va tarmoqlarining bir qismi eskirişi oqibatida energiya yöqotişlari yuqori darajada qolmoqda. Şu bois, joriy yilda issiqlik qozonxonalari va tizimlarini modernizatsiya qiliş, ularni “yopiq tizim”ga ötkaziş doirasida 400 ta individual issiqlik punktlarini örnatiş va kamida 100 kilometr issiqlik tarmoqlarini yangilaş közda tutilgan.

Mutasaddilarga binolarni quriş, ta’mirlaş va rekonstruksiya qilişda energiya samaradorlik standartlari va ta’sirçan qoidalarni işlab çiqiş topşirildi.

Elektr energiyasining ulgurji bozori

Taqdimotda elektr energiyasi sohasida raqobatli bozor mexanizmlarini joriy etiş böyiça amalga oşirilayotgan işlar ham muhokama qilindi.

Xususan, past kuçlanişli elektr tarmoqlarini xususiy sektorga beriş işlari Samarqand viloyatidan boşlanib, keyingi bosqiçda Andijon, Jizzax, Namangan, Sirdaryo, Toşkent viloyati va Toşkent şahriga kengaytirilişi rejalaştirilgan. Bu orqali tarmoqlarni yangilaşga investitsiyalarni jalb etiş orqali yöqotişlarni keskin kamaytiriş közda tutilgan.

Elektr energiyasining ulgurji bozorini şakllantiriş işlarining borişi töğrisida axborot berildi.

Hozirgi kunga qadar yiliga 10 million kilovatt-soatdan köp elektr iste’mol qilayotgan ulgurji iste’molçilar röyxati tuzildi. Uşbu korxonalar uçun elektr energiyasini ulgurji bozorda “soatbay” şakllangan narxlarda töğridan töğri şartnomalar asosida xarid qiliş tizimini joriy etiş taklif etildi.

Bugungi kunda energetika va kommunal sohalar böyiça alohida regulyatorlarni taşkil etiş işlari olib borilmoqda. Xorijiy tajribadan kelib çiqib, bu borada yagona regulyatorni taşkil etiş taklifi bildirildi.

Şavkat Mirziyoyev mazkur takliflarni ma’qullab, energiya samaradorlikni oşiriş, resurslardan oqilona foydalaniş va energetika bozorida raqobat muhitini şakllantiriş muhimligini ta’kidladi hamda mutasaddilarga tegişli topşiriqlarni berdi.

Prokuratura va içki işlar organlari oldiga muhokama qilingan sohalarda qonun talablariga qat’iy rioya etilişini va javobgarlikning muqarrarligini ta’minlaş, belgilangan çora-tadbirlarning sözsiz ijrosini ta’minlaş yuzasidan hokimliklar bilan yaqindan işlaş vazifasi qöyildi.