Qoʻshimcha funksionallar
-
Tungi ko‘rinish
Jamiyat | 14:24 / 26.01.2026
2132
1 daqiqa o‘qiladi
Sergelida uch qavatli uy tomida yong‘in sodir bo‘ldi
2026 yil 25 yanvar kuni soat 20:17 da Toshkent shahri Sergeli tumani, Belariq 1-tor ko‘chasida joylashgan 3 qavatli turar joy uyining tom qismida yong‘in kelib chiqqanligi to‘g‘risida Toshkent shahar FVBBga xabar kelib tushgan.
Foto: Ijtimoiy tarmoqlar
Xabarga muvofiq, qutqaruv-yong‘in o‘chirish ekipajlari soat 20:27 da voqea joyiga yetib borgan.
Olib borilgan tezkor harakatlar natijasida yong‘in soat 20:39 da qurshab olingan va soat 20:51 da to‘liq bartaraf etilgan.
Qayd etilishicha, yong‘in oqibatida fuqarolar orasida tan jarohati olganlar yo‘q.
Hozirda yong‘inning kelib chiqish sabablari hamda moddiy zarar miqdori bo‘yicha tegishli tartibda o‘rganish ishlari olib borilmoqda.
