Elektron tijorat sohasiga oid prezident qarori qabul qilindi.
2026 yil 1 iyuldan 2028 yil iyulga qadar huquqiy eksperiment tariqasida rezidentlar va norezidentlar tomonidan jismoniy şaxslarning şaxsiy ehtiyojlari uçun möljallangan tovarlarni maxsus elektron savdo platformalari orqali çakana sotiş uçun ularni vaqtinça saqlaşga möljallangan yangi turdagi erkin ombor – bond omborlari taşkil etişga ruxsat etildi.
Eksperiment doirasida:
- bond ombori erkin ombor faoliyatini litsenziyalaş tartibi asosida taşkil etiladi;
- bond omboridan tovarlarni sotiş Istiqbolli loyihalar milliy agentligi tomonidan yuritiladigan Maxsus elektron savdo platformalari reyestriga kiritilgan maxsus elektron savdo platformasi orqali amalga oşiriladi;
- bond omboriga tovarlar erkin ombor bojxona rejimiga muvofiq joylaştiriladi hamda uşbu tovarlarni jismoniy şaxslarning şaxsiy ehtiyoji uçun çakana sotişga ruxsat beriladi;
- bond omboridan jismoniy şaxslarning şaxsiy ehtiyoji uçun sotiladigan tovarlar jönatmalar deklaratsiyasi asosida bojxona rasmiylaştiruvidan ötkaziladi;
- bond omboriga joylaştirilgan tovarlarni jönatmalar deklaratsiyasi asosida jismoniy şaxslarga çiqarişda muvofiqlikni baholaş, sanitariya va veterinariya nazorati çoralari qöllanmaydi; bunda tovarlarning texnik jihatdan tartibga soliş, sanitariya va veterinariya sohasidagi qonunçilik hujjatlari talablariga muvofiqligini ta’minlaş böyiça javobgarlik bond omborlari operatorlari zimmasiga yuklanadi;
- respublika hududidan bond omboriga maxsus elektron savdo platformalari orqali çakana sotiş uçun möljallangan tovarlarni joylaştirişga ruxsat etilmaydi (bundan respublika hududidan taşqariga olib çiqiş uçun möljallangan tovarlar mustasno).
Bond omborlaridan tovarlarni maxsus elektron savdo platformalari orqali jismoniy şaxslarga sotişda
