Qoʻshimcha funksionallar
-
Tungi ko‘rinish
Namangan viloyati SSBga yangi boshliq tayinlandi
Abdilxodi Iminov o‘rniga Abrorjon Alijonov Namangan viloyati sog‘liqni saqlash boshqarmasining yangi rahbariga aylandi.
Sog‘liqni saqlash vazirligining tegishli buyrug‘i bilan Abrorjon Alijon o‘g‘li Alijonov Namangan viloyati sog‘liqni saqlash boshqarmasi boshlig‘i etib tayinlandi. Bu haqda SSV matbuot xizmati xabar bermoqda.
Abrorjon Alijonov 2003 yilda Andijon davlat tibbiyot institutining bakalavriat, 2006 yilda mazkur oliy o‘quv yurtining magistratura bosqichlarini tamomlagan.
Turli yillarda Respublika shoshilinch tibbiy yordam ilmiy markazining Namangan filialida jarroh, bo‘lim boshlig‘i, bosh shifokor o‘rinbosari hamda direktor, shuningdek, Sog‘liqni saqlash vazirligi Nazorat inspeksiyasi boshlig‘i kabi mas’ul vazifalarda ishlagan.
Tibbiyot fanlari bo‘yicha falsafa doktori (PhD) A. Alijonov tayinlovga qadar vazirlikning Tibbiy yordamni tashkillashtirish departamenti boshlig‘i lavozimida ishlagan.
Viloyat SSBga 2020 yildan buyon Abdilxodi Iminov rahbarlik qilib kelayotgandi. Uning keyingi faoliyati haqida ma’lumot yo‘q.
