Yaponiyaning Nagoya shahrida XX yozgi Osiyo oʻyinlari futbol turniri davom etmoqda.
Oʻzbekiston U23 terma jamoasi guruh bosqichining yakuniy oʻyinini Vyetnamga qarshi oʻtkazib, 2:0 hisobida gʻalaba qozondi. Gollar Muhammadali Oʻrinboyev va Nurlan Ibraimov hisobiga yozildi.
Ushbu gʻalabadan keyin oʻzbekistonliklar hisobidagi ochkolar soni 9 ga yetdi va jamoa birinchi oʻrin bilan chorakfinalga chiqdi.
Endi bosh murabbiy Ravshan Haydarov shogirdlarini chorakfinalda Saudiya Arabistoniga qarshi bahs kutib turibdi. Oʻyin 25-sentabr kuni Toshkent vaqti bilan soat 10:00 da boshlanadi.
Eslatib oʻtamiz, Osiyo oʻyinlari futbol turniri reglamentiga koʻra, jamoalar 23 yoshgacha boʻlgan futbolchilardan iborat tarkib, shuningdek, 23 yoshdan katta 3 nafar futbolchi bilan ishtirok etishi mumkin. Oʻzbekiston terma jamoasi turnirda 21 yoshgacha boʻlgan tarkib bilan ishtirok etmoqda. Bu Los-Anjeles - 2028 olimpiadasi saralashida qatnashuvchi jamoaning yetarlicha tajriba toʻplashi maqsadida qilindi.
Osiyo oʻyinlari futbol turniri 1990-yildan buyon oʻtkaziladi. Turnirda Eron va Janubiy Koreya 3-martadan gʻolib boʻlgan. Shuningdek, Oʻzbekiston (1994-yilda), Qatar va Yaponiya ham oltin medallarni qoʻlga kiritgan.
Osiyo oʻyinlari 2026, S guruhi, 3-tur, Nagoya, 22-sentabr
Oʻzbekiston U23 – Vyetnam U23 2:0
Gollar: Muhammadali Oʻrinboyev (5), Nurlan Ibraimov (67)
Oʻzbekiston: Samandar Muratbayev, Saidxon Hamidov, Dilshod Murtazoyev, Gʻiyosjon Rizaqulov, Quvonchbek Xushvaqtov, Amirbek Saidov (Nurlan Ibraimov 46), Muhammadali Oʻrinboyev, Asilbek Jumayev, Diyor Abdunazarov, Azizbek Toʻlqinbekov, Ollabergan Karimov (Ravshan Xayrullayev, 46).
