Harri Keyn faoliyatida ilk bor «Oltin töp» qölga kiritdi. «Bavariya»ning 33 yoşli hujumçisi ajoyib ötgan va özi klub hamda milliy jamoa safida jami 73 gol urgan mavsum uçun haqli ravişda taqdirlandi. Endi uni döstlari, jamoadoşlari va boşqa köplab maşhurlar tabriklamoqda. Buyuk Britaniya valiahd şahzodasi Uilyam ham çetda turmadi. Ammo mukofot unga berilganidan norozi bölganlar ham topiladi: masalan, ovoz beriş yakunlariga köra uçinçi örinni egallagan Lamin Yamalning amakisi mukofotni tanqid qildi.
«Muvaffaqiyat sening şovqining bölsin»
Keyn ovoz beriş yakunlariga köra «Real» hujumçisi Kilian Mbappe va «Barselona» vingeri Yamalni ortda qoldirib, sönggi 25 yil içida «Oltin töp» qölga kiritgan ilk ingliz futbolçisi böldi. Ungaça Angliyaning bu mukofotga loyiq körilgan oxirgi vakili Maykl Ouen (2001-yil) bölib turgandi.
Harri sovrinni Londondagi «Palladium» teatrida uşbu mukofotning ikki karra ğolibi, braziliyalik Ronaldodan qabul qilib oldi. Sahnaga çiqqanida uning qöllari qaltirayotgandi – bu lahzalar u uçun qançalik qadrli ekani körinib turardi. Keyn taşkilotçilarga, özi uçun ovoz bergan jurnalistlarga, «Bavariya» va Angliya milliy jamoasidagi jamoadoşlariga minnatdorçilik bildirdi. U Vensan Kompani nomini alohida tilga olib, uning tezda soğayib ketişini tiladi (myunxenliklar ustozi şu kunlarda şifoxonaga tuşib qolgan). Şuningdek, Angliya milliy jamoasi ustozi Tomas Tuxelga ham rahmat aytdi (inglizlar uning boşqaruvida 2026-yilgi jahon çempionatida bronza medallarni qölga kiritdi).
Forvard öz faoliyatini boşlagan «Tottenhem»ni ham yoddan çiqarmadi. Ammo uning nutqidagi eng hissiyotli qismi yaqinlariga bağişlandi: Keyn bolaligida akasi Çarli bilan köçada töp tepganini esladi va ota-onasiga qöllab-quvvatlov uçun minnatdorçilik izhor etdi. Şuningdek, özi bilan köp damlarni birga keçirgan rafiqasi Keytga yuzlandi – ular maktablik davridan taniş.
«Rafiqam – mening eng yaxşi döstim. Biz kötarilişlar va tuşişlardan birgalikda ötdik. Sen – mening asosiy tayançimsan. Menimça, bu mukofotni mendan ham köproq xohlaganding. Orzularim uşalişi uçun sen doim özingni qurbon qilgansan. Bugun bu mukofotni birgalikda nişonlaymiz. Sen bilan. Seni sevaman», – degan hujumçi.
Marosimdan köp ötmay Keyn ijtimoiy tarmoqdagi sahifasida şunday post qoldirdi: «Jimgina mehnat qilişda davom et. Muvaffaqiyat sening şovqining bölsin».
Ayrim muxlislar bu sözlarda uning «Oltin töp» uçun asosiy raqobatçilari, sönggi haftalar davomida oçiqçasiga mukofotga özi loyiq ekanini taʼkidlab kelgan Yamal va Mbappega nozik işorani körişdi.
