O‘zbekiston Turkmanistondan neft sotib olmoqchi

«O‘zbekneftgaz» joriy yilda Turkmanistonning Petronas Çarigali kompaniyasidan neft sotib olishni rejalashtirmoqda.

Toshkentda «O‘zbekneftgaz» AJ rahbariyati va Petronas Çarigali delegatsiyasi o‘rtasida bo‘lib o‘tgan uchrashuvda shu masala muhokama qilindi. Tomonlar yetkazib berish dasturini tayyorlashga kelishib oldi.

Petronas Çarigali Kaspiy dengizining Turkmaniston shelfida neft va gaz qazib olish operatorlaridan biri hisoblanadi. U Malayziyaning Petronas neft va gaz kompaniyasining shu’ba korxonasi hisoblanadi.

Avvalroq, O‘zbekiston va Turkmaniston birinchi marta uchinchi tomonning ishtirokisiz, faqat ikki tomonlama muzokaralar orqali qisqa muddatli gaz ta’minoti bo‘yicha kelishuvga erishgandi.