Moskvadagi ko‘p qavatli uylar va shahardagi hovlilar dronlar hujumidan keyin qanday ko‘rinishda - fotosuratlar

Uchta turar joy binosi — Moskva shahridagi Leninskiy prospekti va Profsoyuznaya ko‘chasidagi, shuningdek Novaya Moskvadagi Atlasova ko‘chasidagi uylar — 30 may kuni dronlar zarbasiga uchradi. Shahar rasmiylari binolar kichik shikastlanishga uchragani, «hech kim jiddiy jarohat olmagani»ni ma’lum qilgan. Shunga qaramay, Moskva meri Sergey Sobyaninning so‘zlariga ko‘ra, ikki kishi tibbiy yordam so‘rab murojaat qilgan, dronlar kelib urilgan uylardagi bir qancha pod’yezdlar aholisini esa vaqtincha ko‘chirishga to‘g‘ri kelgan. Dronlar hujumi fakti bo‘yicha RF JKning 205-moddasi (terrorchilik akti) asosida jinoiy ish ochilgan.