Gulistonda «xitoylik kelin» Xitoy tilidan dars beradi

“Xitoylik kelin”ga maktabda Xitoy tilidan dars o‘tish huquqini beruvchi o‘quv reja va dasturlar ishlab chiqildi.

Ijtimoiy tarmoqlarda Gulistondagi umumiy o‘rta ta'lim maktabida Xitoy tilidan dars berish tashabbusi bilan chiqib, viloyatda to‘siqlarga uchragan Murodjon Kenjaboyev hamda uning turmush o‘rtog‘i Li Ting haqidagi ma'lumotlar Xalq ta'limi vazirligi tomonidan o‘rganildi.

Vazirlik xabariga ko‘ra, Respublika ta'lim markazi mutaxassislari ishtirokida “xitoylik kelin”ga maktabda Xitoy tilidan dars o‘tish huquqini beruvchi o‘quv reja va dasturlari ishlab chiqilib, imzolandi. Bu haqda markaz direktori Shuhrat Sattorov ma'lum qildi.

“Tashabbuskor fuqaro — rivojlanishning muhim omili. Yangi g‘oya va takliflarning qabul qilinishi ilg‘or va zaruriy g‘oyalarning tug‘ilishiga zamin yaratadi.

Yaqin yillarda Guliston Xitoy tilini o‘qitish bo‘yicha o‘zining maktabiga ega bo‘lishiga ishonamiz”, - deyiladi xabarda.

"Inson o‘z baxti uchun masofadan qo‘rqmasligi lozim”. Xitoylik qiz Sirdaryoga kelin bo‘ldi

Qalin puli, to‘ydan keyingi hayot, hovli tozalashda xitoycha texnologiya va yechimini kutayotgan masala – «Xitoylik kelin – 2»