Андижонда ёнилғи ташувчи автомобилдан газни тўкиш вақтида ёнғин келиб чиқди

Ҳодиса оқибатида тан жароҳати олганлар тўғрисида маълумот келиб тушмаган.

Фото: Видеодан кадр

Бугун, 5 сентябр куни соат 12:05 да Андижон вилояти ФВБга хабар келиб тушган.

Унга кўра, Андижон туманида жойлашган автомобилларга суюлтирилган ва сиқилган газ тўлдириш шохобчаси ҳудудида тахминан 5 тоннали ёнилғи сақлаш сиғимига эга MAN русумли ёнилғи ташувчи автомобили цистернасидан пропан суюлтирилган газни тўкиш вақтида технологик жараён бузилиши оқибатида ёнғин келиб чиққан.

Хабарга асосан, ёнғин-қутқарув бўлинмалари ҳодиса жойига соат 12:13 да етиб бориб, ёнғин соат 12:26 да ўраб олинган ҳамда соат 13:03 да бартараф этилган.

Ҳодиса оқибатида тан жароҳати олганлар тўғрисида маълумот келиб тушмаган.

Тайёрлаган: Отабек Матназаров

#Андижон #ёнғин #газ