Бу ҳақда Вазирлар Маҳкамаси йиғилишида маълум қилинган.
Рамазон ҳайити байрамининг биринчи куни (10 апрел) республикадаги барча жамоат транспорти воситалари соат 4:00 дан 10:00 га қадар аҳолига бепул хизмат кўрсатади.
Бу ҳақда Вазирлар Маҳкамасида Рамазон ҳайити байрамини осойишта ва юқори кайфиятда ўтказишга бағишлаган видеоселектор йиғилишида маълум қилинган.
Аввалроқ, «Тошшаҳартрансхизмат» АЖ байрам кунлари автобус саройларига бириктирилган автобус йўналишларининг фаолияти ҳақида маълумот берди.
Қайд қилинишича, Рамазон ҳайити (10 апрел) куни автобуслар соат 4:00 дан йўловчиларга хизмат кўрсатади.
Аввалроқ Тошкент метрополитени ҳам Рамазон ҳайити куни ўз фаолиятини одатдагидан 1 соат олдин, яъни соат 4:00 да бошлаши ҳақида хабар берилганди.
