1 февралдан ётоқли поездлар чиптаси ҳам қимматлашади

1 февралдан эътиборан тезюрар бўлмаган (ётоқли) йўловчи поездлар чиптаси ҳам қимматлашади. “Ўзтемирйўлйўловчи” компаниясининг маълум қилишича, маҳаллий йўналишлардаги чипта нархининг тариф қисми 10,5 фоизга оширилади.

Фото: Kun.uz

Бу – йўловчи ташиш соҳада молиявий зарарларни нисбатан қисқартириш, темир йўл инфратузилмаси харажатлари, электр энергияси, ёқилғи ва транспорт харажатларини қоплаш, шунингдек йўловчи вагонлар паркини янгилаш, темир йўл вокзаллари фаолиятини таъминлаш билан изоҳланган.

Аввалроқ “Ўзбекистон темирйўллари” 1 февралдан бошлаб тезюрар поездлар учун чипталар нархи оширилишини маълум қилганди: “Афросиёб” – 20-25 фоизга, “Шарқ”, “Насаф” ва “Ўзбекистон” чипталари 30 фоизга қимматлашади.

Тайёрлаган: Комрон Чегабоев

#темирйўл #инфляция