Boeing 777 лайнерлари ишлаб чиқариш қисқартирилади

Boeing корпорацияси кенг фюзеляжли 777 лайнерларини ишлаб чиқаришни қисқартириш бўйича қарор қабул қилди. 2017 йил августидан эътиборан компания ўртача 8,3 дона ўрнига 5тадан шу турдаги ҳаво лайнери ишлаб чиқаради. Шу билан қисқартириш ҳажми 40 фоизни ташкил этади, деб хабар қилмоқда Reuters агентлиги.

Компания янги моделлар ишлаб чиқаришга маблағ сарфлашни режалаштирмоқда. Шунга қарамай, ушбу қарор компания ва унинг бутловчи қисмлар етказиб берувчи ҳамкорлари фаолиятига ҳам салбий таъсир кўрсатиши айтилмоқда. 777-моделнинг қисқартирилиши, шунингдек, компания ишчиларига ҳам тегишли бўлади. Аммо, бу компаниянинг бу йилги молиявий кўрсаткичларига унчалик жиддий таъсир кўрсатмайди, дея ишонч билдирмоқда Boeing раҳбарияти.

Айни вақтда, компания дивидендларни 30 фоизга ошириш режасини эълон қилди.