Бағдодда 35 кишининг ўлимига сабаб бўлган теракт видеоси тарқалди

YouTube порталида куни кеча Ироқ пойтахтида юз берган теракт тасвирланган видео чоп этилди.

Rudaw телеканалининг хабар беришича, ҳодиса оқибатида камида 35 киши ҳалок бўлди, 60 инсон турли жароҳатларни олган.

Фожиа Бағдоднинг Мадинат-эс-Садр туманида рўй берган. Портловчи қурилмага эга бўлган террорчи миналаштирилган автомобилни портлатиб юборган.

Теракт учун масъулиятни ИШИД ўз зиммасига олди.