Афғонистон шимолидаги Балх вилояти ҳудудида автомобиль портлатилиши оқибатида ҳукумат тарафидаги кучлар вакиллари бўлган камида 9 киши ҳалок бўлди. Бу ҳақда маҳаллий ҳукуматга асосланиб Xinhua агентлиги маълумот берди.
Манбанинг ёзишича, машинага ўрнатилган портловчи қурилма ишга тушган ва унинг ичида бўлган кишиларнинг барчаси ҳалок бўлган.
Ҳодиса 8 апрель куни содир этилган. Ҳозирча ҳеч бир ташкилот ушбу портлаш учун жавобгарликни зиммасига олмади.