«Пахтакор» клуби президенти ўзгарди

Фото: pakhtakor.uz

«Пахтакор» футбол клуби раҳбариятида ўзгаришлар рўй берди.

Жамоа расмий сайтида маълум қилинишича, бугун «Пахтакор» клубида раҳбарияти таркибида ўзгаришлар амалга оширилди. Клуб Вице-президенти сифатида фаолият олиб борган Шодиев Бобур Қобулович клуб президенти этиб тайинланган. Клуб бош директори лавозимида ишлаб келган Аҳматджонов Умид Маҳаматджанович клуб вице-президенти лавозимини эгаллаган. Адисман Дмитрий Александрович «Пахтакор» клуби бош директори бўлган.

Бунгача клуб президенти сифатида фаолият юритган Тошкент шаҳар ҳокими Раҳмонбек Усмонов эндиликда клуб фахрий президенти ҳисобланади.