Мексикада тараумара қабиласига мансуб бўлган 22 ёшли Мария Лорена оддий резина шиппак ҳамда юбка кийган ҳолда ультрамарафонда қатнашиб ғолиб бўлди.
У ҳеч қандай профессионал экипировкаларсиз чопган, у марафонга алоҳида тайёргарлик ҳам кўрмаганди. Рамирес 50 километрлик масофани 7 соату 3 дақиқада босиб ўтган ва ғолиб чиқиб, 6 минг доллар миқдорида ютуққа эга бўлган.
Тараумара ҳиндулари вакиллари дунёдаги чидамли кишилар ҳисобланишади. Улар катта даштларда истиқомат қилишади ва савдо қилинадиган шаҳарларга бориб келиш учун кўп масофани чопиб ўтиши керак бўлади.
