Теҳрондаги отишмалар вақтида бир киши ҳалок бўлган, жароҳатланганлар камида 10 нафар

Эрон парламентига ҳужум вақтида жароҳатланганлардан бири вафот этган.

Tasnim агентлиги хабарига кўра, 3 киши жароҳатланган.

Бу вақтда Mehr агентлиги 8 нафар жабрланувчи ҳақида ёзмоқда.

Дастлабки хабарларда парламент биносига 3 нафар қуролланган шахс бостириб кириб отишма бошлаши оқибатида икки киши жароҳатлангани ҳақида айтилганди. Ҳужум қилувчилар одамларни гаровга олган бўлиши мумкин. 

Худди шу вақтда Теҳроннинг бошқа қисмида, имом Хомайни мақбарасига ҳужум уюштирилгани ҳақида хабарлар пайдо бўлди. Бу ҳужум оқибатида камида 5 киши жароҳатлангани айтилмоқда.