Антарктидада яхши сақланиб қолган 106 йиллик ширинлик топилди

10 августда Антарктидадаги Адэр бурнида 106 йиллик ширинлик топилди. Маълум қилинишича, ширинлик Британиянинг Huntley&Palmers қандолатчилик фирмасининг мевали кекси бўлиб чиққан. У қалайдан ишланган қути ичида қоғозда ўралган ҳолда бўлган.

“Бундай ажойиб сақланиб қолган кексни топиш кутилмаган ҳолатдир. У Антарктика шароитлари учун идеал юқори энергетик озиқа бўлиб, ҳанузгача замонавий экспедицияларнинг севимли ширинлиги бўлиб қолмоқда”, деб айтган тадқиқотчилар гуруҳи раҳбари Лиззи Мик.