ОАВ: Раққада халқаро коалиция авиазарбалари туфайли қарийб 80 киши ҳалок бўлди

АҚШ бошчилигидаги халқаро коалициянинг Суриянинг Раққа шаҳрига берган авиазарбалари натижасида тинч аҳоли вакилларидан камида 78 нафари ҳалок бўлди. Бу ҳақда SANA агентлиги хабар қилмоқда.

Таъкидланишича, коалиция авиацияси Ас-Сахоний, Харит Ал-Беда ва Ат-Тусия мавзеларига зарбалар берган.

Бундан ташқари, кўплаб уй-жойлар ҳамда инфратузилма объектлари вайрон бўлгани хабар қилинмоқда.

Аввалроқ АҚШ Сурия ҳукуматига кимёвий қурол қўлланилиши юзасидан махсус баёнот билан чиққанди.