Тошкентнинг яна 7 бозорида банкоматлар ўрнатилди

Фото: Kun.uz

Тошкент шаҳрининг яна 7 та бозорида пулни нақдлаштириб берадиган банкоматлар ўрнатилди. Бу ҳақда Uz24 сайти хабар тарқатди.

Айни вақтда «Аския» ва Бўзбозорда («Ипотека-банк»га қарашли), «Авиасозлар», «Қорақамиш» ва Сергели деҳқон бозорида (Ташқи иқтисодий фаолият миллий банки), «Чилонзор» («Микрокредитбанк») ва «Ўрикзор» савдо мажмуасида («Ипак йули банк») биттадан банкомат ишга туширилган.

Хабар қилинишича, банкоматларга ҳар куни ўртача 30 млн сўм пул қўйилади.

Аввалроқ 14 август кунидан Тошкент шаҳридаги Олой, Юнусобод ва Қўйлиқ бозорларида ўрнатилган банкоматлар фаолият кўрсата бошлагани хабар қилинганди.