Оқ уйдан маълум қилишларича, Ироқ Курдистонининг мустақиллиги бўйича референдум вазиятни беқарорлаштирмоқда ва ИШИД билан курашга халақит бермоқда, шунинг учун уни бекор қилиш лозим.
«АҚШ Курдистон минтақавий ҳукуматининг (Ироқ Курдистони парламенти – таҳ.) шу ойда референдум ўтказиш тўғрисидаги қарорини қўллаб-қувватламайди», - дейилади Оқ уй матбуот хизмати хабарида.
Бундан ташқари, Вашингтон Курдистон минтақавий ҳукуматини референдумни бекор қилиш ва Бағдод билан «жиддий ҳамда сермазмун» мулоқотни бошлашга чақирди.
Жорий йилнинг 8 июнь куни Ироқ Курдистони мустақиллиги бўйича референдум ўтказишини эълон қилди. Август ойи охирларида Ироқ Курдистондаги референдумни тан олмаслиги маълум қилинди. Бугун эса Туркия Ироқ Курдистонида референдум ўтказилиши муносабати билан ҳаракатлар режасини маълум қилиши хабар берилди.
