ЖЧ-2018 саралаш босқичи Европа минтақасида мусобақаларда иштирок этаётган Қозоғистон терма жамоаси навбатдаги учрашувни ўтказиш учун Руминияга етиб келди.
Аҳамиятли томони, Қозоғистон терма жамоаси Руминияга қилган парвозини «Ўзбекистон ҳаво йўллари» самолётида амалга оширди. Бу қозоғистонлик интернет фойдаланувчиларининг турли ҳазилларига сабаб бўлди.
Fanatik.kz сайти «Қозоғистон терма жамоаси ёки Ўзбекистон» номли хабарида бунга ҳазиломуз изоҳ қолдирди:
«Айёрона юриш: терма жамоамиз руминияликларни чўчитиш учун ўзидан кучлироқ рақиб қиёфасига кириб олди».
Эслатиб ўтамиз, Қозоғистоннинг Руминия терма жамоасига қарши учрашуви 5 октябр куни бўлиб ўтади.
