Испания бош вазири Каталония ҳукуматини аҳдидан қайтишга чақирди

Фото: Reuters

Испания бош вазири Мариано Рахой EFE учун берган интервьюсида Каталония ҳукумати мустақилликка эришиш ниятидан воз кечиши кераклиги ҳақида гапирди.

Унинг фикрича, Каталония женералитати раҳбария Карлес Пучдемон эскалациядан қочиш учун референдум ва унинг натижаларидан воз кечиши керак.

«Унинг қарори қатъийми? Яхшиси улар мустақилликни эълон қилмаслиги керак», — дея қайд этган Рахой.

Испания бош вазири шу орқалигина «оғир оқибатлардан» қутулиб қолиш мумкинлигини айтган.

Бундан аввалроқ Карлес Пучдемон Испания қироли Фелипе VI ни «миллионлаб каталонияликлар иродаси»ни инкор этишда айблаганди. Ундан аввалроқ монарх референдумга ва унинг натижаларига қарши чиққанди.

Пучдемон Каталония яқин кунларда мустақиллик эълон қилишини айтган.

Каталонияда мустақиллик референдуми 1 октябрь куни ўтказилди. Ҳукумат маълумотларига кўра, овоз берганларнинг 90 фоизи ҳудуд Испаниядан ажралишини ёқлаган.

Тайёрлаган Азиз Қаршиев

#референдум #Каталония #Мариано Рахой

Испаниянинг шимолий-шарқий ҳудудида, Каталония автономиясида, истиқомат қилувчи аҳоли 1 октябрь каталонларнинг мустақиллик масаласини ҳал этиш учун кўчага чиқди. Расмий Мадрид ушбу ҳаракатни йўққа чиқариш мақсадида маҳаллий полиция кучидан фойдаланмоқда.