«АҚШга тақлид қилманг». Эрон баёнот билан чиқди

Эрон ташқи ишлар вазири Муҳаммад Жавод Зариф Европа мамлакатларини “АҚШнинг йўлидан юрмасликка” ва Эрон ядро дастури бўйича келишувни муҳокама этишда “янги кераксиз инқироз”ни авж олдирмасликка чақирди.

"Ҳозирда бизнинг асосий вазифамиз – Европа мамлакатларини ядро дастури бўйича келишув доирасидан ташқарида бўлган масалаларга доир иккиланишлардан қочишга ва Оқ уйнинг йўлидан юрмасликка чақириш", - дея ёзган Зариф АҚШнинг New York Times газетаси учун мақоласида. Унинг таъкидлашича, “АҚШнинг иқлимдан тортиб Фаластин масаласигача бўлган ишончсизлиги олдиндан кутса бўладиган ҳолатга кириб бўлди”.

Зарифнинг таъкидлашича, "ядро дастури бўйича келишув – дипломатиянинг қарама-қаршилик устидан ноёб ғалабаси, ҳамда уни йўқ қилиб ташлаш хато бўлган бўларди". "Европа Вашингтоннинг асосий эътиборни навбатдаги кераксиз инқироз қаратиш бўйича – бу Эрон ядро дастури бўладими ёки бизнинг Яқин Шарқдаги таъсиримизми – шу борадаги қатъийлиги билан қўшилиши керак эмас", - дея қайд этиб ўтди у.

Эрон ва халқаро воситачиларнинг "олтилиги" (Россия, АҚШ, Буюк Британия, Хитой, Франция, Германия) 2015 йилнинг 14 июль куни Эрон атоми бўйича кўп йиллик муаммога ечим топиш тўғрисидаги тарихий келишувга эришди: Қўшма кенг кўламли ҳаракатлар режаси қабул қилинди, унинг бажарилиши эса Эрондан аввал БМТ Хавфсизлик Кенгаши, АҚШ ҳамда Евроиттифоқ томонидан жорий этилган иқтисодий ва молиявий санкциялар олиб ташланишини англатади.

Шу йилнинг октябрь ойи ўрталарида эса АҚШ президенти Дональд Трамп америкаликларга мурожаатида конгрессга Эрон ядро дастури бўйича келишувга риоя этаётганини расман тан олишдан бош тортди, бироқ халқаро даражада бу борада жиддий фикр билдирмади. 

АҚШ президентининг хабар беришича, Оқ уй Эронга оид халқаро келишувдаги “жиддий камчиликлар” юзасидан конгресс билан ишлашда давом этади. Шунингдек, Трамп агарда конгресс ва иттифоқчилар билан мулоқотда келишувни тузатиш имконсиз бўлса, у “бекор қилиниши” билан таҳдид қилди.