Қирғизистоннинг яна бир делегацияси Ўзбекистонга расмий ташриф билан келади

Қирғизистон президенти Сооранбай Жээнбеков 14 декабрь куни Ўзбекистон Олий Мажлиси Қонунчилик палатаси спикери Нуриддинжон Исмоилов билан учрашув чоғида Қирғизистон Жўқорғу Кенеши делегациясининг Ўзбекистонга 21 декабрь куни амалга ошириладиган ташрифи парламентлараро алоқаларни мустаҳкамлашга туртки беришини таъкидлаб ўтди.

Сооранбай Жээнбеков бу йил мамлакатлар ўртасидаги муносабатлар тарихида туб бурилиш даврига айланганини таъкидлади ҳамда давлатлар ўртасидаги муносабатларнинг бугунги ҳолатини сақлаб қолиш ва давом эттириш жуда муҳим эканини қайд этди.

Таъкидландики, президент Шавкат Мирзиёевнинг Қирғизистонга давлат ташрифи чоғида имзоланган Парламентлараро ҳамкорлик тўғрисидаги меморандум бу соҳадаги алоқаларни ривожлантиришда муҳим аҳамиятга эга.