Австралияда кенгуру овчидан ўч олди 

Австралия ғарбида кенгуру ёш овчининг жағини синдирди. Бу ҳақда Daily Mail нашри хабар бермоқда.

19 ёшли овчи Жошуа Хайденнинг айтишича, у машинадан кенгуруларни ўққа тутаётганда, кенгурулар унинг машинасига ҳужум қилишган. Кенгурулардан бири машина пешойнасига сакраб чиқиб олган. У сакраш вақтида овчининг жағига тегиб кетган. Овчи зарбадан ҳушини йўқотган.

У 30 сонияча беҳуш бўлган. Ўзига келгач эса уни машина орқасида ўтирган укаси урди, деб ўйлаган. Маҳаллий шифохонада йигитнинг жағи сингани аниқланган. Шифокорлар йигитнинг юзи кучли шишиб кетгани сабабли жароҳатини 10 кундан кейингина операция қила олишларини маълум қилишган.