Тошкентда ADWEEK ҳафталиги доирасида халқаро конференция ўтказилди 

Тошкентдаги International меҳмонхонасида тантанали очилиш маросимидан сўнг, ADWEEK Маркетинг конференцияси ва Маркетинг ҳамда реклама кўргазмаси ўтказилмоқда.

ADWEEK Маркетинг конференцияси икки кун мобайнида (28 февраль - 1 март) бўлиб ўтмоқда. У тақдимотлар, уста дарслар шаклида ўтказиляпти. Ҳафталик ташкилотчилари томонидан Ўзбекистондаги маркетинг ва реклама соҳасидаги долзарб масалалар, муаммолар, вазифалар ва тенденцияларни муҳокама қилиш учун профессионал майдонча яратилди.
 
Маркетинг ва реклама кўргазмасини ўтказишдан мақсад – маҳаллий маркетинг бозори асосий қатнашчиларининг ютуқларини намойиш этиш ҳамда рақобатбардош устунликларини ривожлантириш. Бунда қуйидаги йўналишлар бор: реклама агентликлари, дизайн студиялари, веб-студиялар, полиграфия компаниялари, медия агентликлари, маркетинг агентликлари, видеомаҳсулотлар, сувенирлар ва бошқаларни ишлаб чиқарувчилар. Кўргазма уч кун давом этади (28 февраль - 2 март) ва иштирокчиларни тақдирлаш маросими билан якунланади.