Украина ИИВ раҳбари Арсен Аваковнинг фикрича, мамлакатнинг амалдаги президенти Пётр Порошенкони ҳукмрон партиядан ягона номзод деб ҳисобламайди. Бу ҳақда «ЛИГАБизнесИнформ» хабар берган.
«Мен ягона номзод ҳақида эшитганимда, сесканиб кетяпман. Менинг фикримча, Порошенко президентликка реал номзодлардан бири бўлиши мумкин – бошқалар билан бир қаторда. Бунда ҳар бир фуқаро ўзи учун танловни амалга ошириши керак», - дея маълум қилди Аваков.
Унинг сўзларига кўра, Украина ҳудудида парламент республикаси ташкил этиш тўғри бўлади, сабаби мамлакатда сўнгги йилларда президент ва бош вазирнинг қарама қаршилиги можароли вазиятларни юзага келтирмоқда.
«Конституцияга, сайлов қонунига ўзгартиришлар киритиш керак – Украинани тўлақонли парламент республикасига айлантириш, бунда президент - визионер ва супервайзер. Президент бу билан сайловларга янада катта эффектда бориши мумкин: мана кўриб қўйинглар, мен ваколатларимнинг бир қисмидан ҳокимият тармоғи мувозанати учун воз кечмоқдаман – жуда чиройли ҳамда тушунарли», - дея аниқлик киритди Аваков.
Эслатиб ўтамиз, аввалроқ Аваков Украина халқи қачон оёққа туриб, ҳукуматни тўнтариб ташлаши мумкинлигини айтганди.
