Тошкент шаҳрида пиёдалар учун 22та ерусти кўприги қурилади

Яқин келажакда Тошкент шаҳрида йўл ҳаракати иштирокчиларидан бири бўлмиш пиёдалар учун қулайлик яратиш мақсадида 22та ерусти пиёда ўтиш кўприклари барпо этилади. Тошкент шаҳар ИИББ ЙҲХБ бошлиғи Барат Маменов Бош прокуратура ҳузуридаги Ахборот-таҳлил медиа марказида бўлиб ўтган матбуот анжуманида шу ҳақда маълум қилди. 

“Пиёдалар ўтиш қисмлари борасида ҳам жиддий ишлар олиб борилмоқда. Жумладан, 52та “пиёда ўтиш жойи” йўл белгиси ўрнатилди, 78таси алмаштирилди. Бу борада келгусида ҳам ишлар давом эттирилади. Хусусан, Тошкент шаҳар ҳокимлигига, шаҳар бўйлаб 22та янги ерусти пиёдалар ўтиш кўприкларини қуриш бўйича таклиф берилган”, - деди Барат Маменов.