Ким Чен Ин КХДР қандай шартда ядро қуролидан воз кечишини айтди

КХДР етакчиси Ким Чен Иннинг ХХР раиси Си Цзиньпин билан учрашув вақтида маълум қилишича, агарда манфаатдор томонлар Пхеньянга нисбатан душманлик кайфиятидаги сиёсатдан воз кечса, унда Шимолий Корея томонида ядро қуролига эгалик қилиш эҳтиёжи бўлмайди. Бу ҳақда Синьхуа агентлиги хабар қилмоқда.

Икки етакчи музокаралари 7-8 май кунлари Хитой шимоли-шарқидаги Ляонин провинциясида жойлашган Далянь порт шаҳрида бўлиб ўтди.

"Манфаатдор томонлар КХДРга нисбатан душманлик кайфиятидаги сиёсат ва хавфсизликка таҳдиддан воз кечиши керак, шунда Шимолий Корея томонидан ядро қуролига эгалик қилиш эҳтиёжи бўлмайди, ядросизланиш эса амалга ошади", - дея Ким Чен Иннинг сўзларини келтиради агентлик.

Эслатиб ўтамиз, аввалроқ Ким Чен Ин Хитойда Си Цзиньпин билан учрашгани хабар берилганди.