Фото: AP Photo / Jung Yeon-Je
Корея ярим оролидаги тинчликка фақат АҚШ ва КХДР ўртасидаги муносабатлар илиқлашсагина эришиш мумкин, улар ядросизланиш бўйича аниқ режа ишлаб чиқиши керак. Жанубий Корея президенти Мун Чжэ Ин Yomiuri газетасига берган интервьюсида шу ҳақда маълум қилди.
«Ҳозир Америка-Шимолий Корея музокаралари йўли билан кенг келишувлар ва аниқ режа ишлаб чиқиш керак, бу тўла ядросизланишга эришиш учун шарт», - дея таъкидлаб ўтди у.
Эслатиб ўтамиз, аввалроқ АҚШ президенти Дональд Трамп 22 май куни жанубий кореялик ҳамкасби Мун Чжэ Ин билан учрашиши ва у билан КХДР етакчиси Ким Чен Ин билан режалаштирилаётган музокараларни муҳокама қилиши хабар қилинганди.
