Қашқадарёда сел оқибатида 5 киши ҳалок бўлди

Фото: Ижтимоий тармоқлардан

Ўзбекистон Республикасининг Қашқадарё вилоятида юзага келган сел оқими оқибатида беш киши ҳалок бўлди. Бу ҳақда ФВВ ахборот хизмати хабар бермоқда.

«Жорий йилнинг 16 май куни Қашқадарё вилояти Фавқулодда вазиятлар бошқармасидан олинган маълумотга асосан, шу куни соат 06:30ларда Чироқчи тумани, «Мирзатўқ» МФЙ, «Сариққамиш» қишлоғида кучли ёмғир натижасида сел оқими юзага келган. Фавқулодда вазият натижасида 5 нафар инсон ҳалок бўлган», - дейилади хабарда.

Эслатиб ўтамиз, аввалроқ Қашқадарёда кучли ёмғир туфайли 4та хўжаликни сув босгани хабар қилинганди.