Британия АҚШ билан ўз манфаатига зид бўлган келишувларга эришмайди

Фото: AP

Буюк Британия савдо вазири Лайам Фокснинг маълум қилишича, мамлакат АҚШ билан ўз манфаатларига зид бўлган келишувларга эришмайди. Бу ҳақда Reuters хабар қилмоқда.

Аввалроқ, Лондон Вашингтон билан савдо битими истиқболини муҳокама қилганди, бу Буюк Британиянинг Евроиттифоқдан чиқиши туфайли юз берди. Кутилишича, бу ҳолат келаси йили содир бўлади. Бироқ, Британияда, худди ЕИнинг бошқа давлатларида бўлгани каби, АҚШ томонидан пўлат ва алюминийга янги божлар жорий этилгани салбий тарзда қабул қилинди.

«Агарда биз келишувга эриша олмасак, унда ҳеч қандай савдо битимини имзоламаймиз. Биз эришмоқчи бўлган келишувлар Бирлашган Қироллик манфаатларига зид келиши керак эмас», - дея таъкидлаб ўтган Фокс.

Эслатиб ўтамиз, аввалроқ Канада АҚШ устидан ЖСТга шикоят қилганди.