Путин Ким Чен Инга таклиф билан чиққан

КХДР етакчиси Ким Чен Ин ва Россия президенти Владимир Путин сентябрь ойида учрашиши мумкин. Бу, агарда Шимолий Корея раҳбари Владивостокдаги Шарқий иқтисодий форумга таклифни қабул қилса, юз беради. 

«У (РФ ташқи ишлар вазири Сергей Лавров) Ким Чен Инга президент Путиннинг таклифини етказди. Хусусан, КХДР етакчисига бизнинг мамлакатга расмий ташриф билан келиш таклифи берилди», - дея Россия Давлат думаси спикери ўринбосари Иван Мельниковнинг КХДР делегацияси билан учрашувдаги сўзларини келтиради «Интерфакс».

Россия президенти матбуот котиби Дмитрий Песков Ким Чен Инга учрашиш ҳақида таклиф етказилганини тасдиқлади. Шу билан бирга, Шарқий иқтисодий форумдаги музокаралар, Песковнинг қайд этишича, вариантлардан бири.

Эслатиб ўтамиз, аввалроқ КХДРда ҳарбий раҳбарият ишдан олингани хабар берилганди.