Ким Чен Ин Трампга таклиф билан чиққан

Фото: REUTERS

КХДР етакчиси Ким Чен Ин АҚШ президенти Дональд Трампга АҚШ - Шимолий Корея саммитининг иккинчи раундини Пхеньянда июль ойида ўтказиш таклифи билан чиқди. Бу ҳақда «Чунан Ильбо» газетаси манбага асосан хабар бермоқда.

Манба сўзларига кўра, бундай таклиф Трампга КХДР Меҳнат партияси МҚ раиси ўринбосари Ким Ён Чхоль томонидан 1 июнь куни тақдим этилган мактубда бўлган.

Эслатиб ўтамиз, аввалроқ Трамп ва Ким Чен Иннинг учрашувига нега айнан курорт орол танлангани айтилганди. Қайд этилишича, Сингапурдаги Сентоза ороли одамлар кам бўлувчи бундай жойни назорат қилиш қулайлиги сабабли АҚШ ва КХДР саммити учун майдонча сифатида танланди.