АҚШнинг Флорида штатида 680 килограмм динамит ёрдамида 2 та 140 метрлик совитиш миноралари портлатилди. Миноралар шу тариқа бузилган.
Маълум қилинишича, 10 сониялик операцияга 10 ҳафта тайёргарлик кўрилган. Миноралар St. Johns River Power Park кўмир электр станциясига тегишли бўлган. Видеода икки минора асослари деярли бир вақтда портлагани, сўнгра миноралар ички томонига қараб қулагани ҳамда кўп миқдорда чанг кўтарилганини кўриш мумкин.
Бузиш ишлари бундай корхоналарни 2020 йилгача тўлиқ бартараф этиш дастури доирасида амалга оширилган. Бу мақсадда 14,5 млн доллар ажратилган.
