Туризмни ривожлантиришнинг узоқ истиқболли лойиҳаси ишлаб чиқилди

Фото: KUN.UZ

Норматив ҳуқуқий ҳужжатлар лойиҳаларининг муҳокамаси порталида «Ўзбекистон Республикасида туризмни ривожлантиришнинг узоқ истиқболдаги чора-тадбирлари тўғрисида»ги Президент қарори муҳокама учун жойлаштирилди.

Қарор лойиҳаси Туризмни ривожлантириш давлат қўмитаси томонидан ишлаб чиқилган. Билдирилган фикрлар давлат ва хўжалик бошқаруви органлари томонидан мажбурий тартибда кўриб чиқилади.

Туризмни ривожлантириш давлат қўмитаси лойиҳага бефарқ бўлмаган барчани муҳокамаларда фаол иштирок этишга чақиради.