ТИВ тизимида янги лавозим тайинлови юз берди

Фото: ТИВ ахборот хизмати

Ташқи ишлар вазирлиги тизимида янги лавозим тайинлови юз берди. Бу ҳақда ТИВ ахборот хизмати хабар қилмоқда.

Қайд этилишича, ТИВнинг Шарқий, Жануби-Шарқий Осиё ва Океания мамлакатлари билан ҳамкорлик бошқармаси бошлиғи этиб Азиз Масутов тайинланган.

А.Масутов илгари Ўзбекистон Республикасининг Сингапур Республикасидаги элчихонаси маслаҳатчиси лавозимида ишлаган.

Эслатиб ўтамиз, аввалроқ ТИВнинг Жанубий Осиё, Яқин, Ўрта Шарқ ва Африка мамлакатлари билан ҳамкорлик бошқармаси бошлиғи лавозимида ишлаган Отабек Акбаров Италия Республикасидаги фавқулодда ва мухтор элчи этиб тайинланганди.