Лавров эшикни адаштириб юборган Порошенконинг устидан кулди

Россия ташқи сиёсат идораси раҳбари Сергей Лавров Украина президенти хато туфайли БМТдаги Россия делегациясининг хонасига кириб кетгани устидан кулди. Бу ҳақда «Коммерсантъ» ёзмоқда.

Таъкидланишича, Украина президенти тадбирлардан бирига кетаётган бўлган, лекин эшикларни адаштириб юбориб, Россия ташқи ишлар вазирига музокаралар ўтказиш учун мўлжалланган хонага кириб кетган. Порошенко тезда хонани тарк этиб, Россия оммавий ахборот воситалари вакилларининг саволларига жавоб қайтаришдан бош тортган. Украина президенти уларни «фейк-ньюс», деб атаган.

«Эҳтимол, ҳожатхонани адаштириб юборгандир», - дея айтиб ўтди Лавров.

Эслатиб ўтамиз, аввалроқ Порошенко Украинанинг Россия билан курашдаги ўрни ҳақида гапирганди.