Lego Хитой компанияларини кўчирмакашлиги учун судга берди ва 650 минг доллар ундирди

Фото: Pinterest

Гуанчжоу суди Хитойдаги Lepin конструкторлари ишлаб чиқарувчи тўртта компанияни Lego компаниясининг 18та тўпламидан нусха кўчиришда айбдор деб топди.

Муаллифлик ҳуқуқини бузишда айбланган мазкур компаниялар нусхаси кўчирилган ўйинчоқларни ишлаб чиқаришни тўхтатиши ва Lego компаниясига етказилган зарар учун 650 минг доллар жарима тўлашлари керак бўлади.

Lego Хитойдаги сохта ўйинчоқлар ишлаб чиқарувчиларга қарши курашни 2017 йилда бошлаган эди: компания ўшанда ўз савдо тамғасининг Хитойда тан олинишига эришган ва Хитойнинг Bela компаниясига қарши судни ютиб чиққанди.