13 давлат С-400’ни сотиб олмоқчи - ОАВ

Фото: Peter Kovalev | TASS via Getty Images

Камида 13 давлат Россиянинг С-400 зенит ракета мажмуаларини Америка қуроли ўрнига сотиб олмоқчи. Бу ҳақда CNBC телеканали АҚШ разведкасига яқин манбаларга асосланиб хабар берди.

Телеканалдан таъкидлашларича, ушбу давлатлар АҚШ томонидан эҳтимолий санкциялар таҳдидига қарамай, С-400’ни сотиб олишни хоҳламоқда.

Манбалардан бирининг айтишича, Эрон, Қатар, Саудия Арабистони, Миср, Жазоир, Марокаш ва Вьетнам вакиллари C-400 сотиб олиш бўйича Россия томони билан музокаралар ўтказган.

Эслатиб ўтамиз, аввалроқ Ҳиндистон геосиёсий ва иқтисодий манфаатлари туфайли С-400’ни сотиб олгани хабар қилинганди.