Танзила Норбоева ишонч рақами юзасидан нотўғри тасаввур ҳосил қилган баъзи кишилар учун изоҳ берди. Унинг сўзларига кўра, ишонч телефони ишга туширилишидан мақсад – тушкунликка тушган аёлларнинг кўнглини кўтариш, уларга ҳуқуқий маслаҳатлар бериш ва психологик қўллаб-қувватлаш. Эркакларни жазога тортиш эмас, зарурат туғилган тақдирда, улар билан суҳбатлашиш ва аёлга ҳам, эркакка ҳам тўғри йўл кўрсатиш.
Ўзбекистон инсон ҳуқуқлари соҳасида 70 дан ортиқ халқаро ҳужжатга, хусусан БМТнинг ўнта келишув ҳужжатига қўшилган ҳамда зиммасига олган барча мажбуриятларни тўлақонли бажариб келмоқда. Халқаро меъёрлар ва ҳуқуқий стандартларга асосан «Аёллар ҳуқуқини таъминлаш мақсадида Ўзбекистон Хотин-қизлар ҳуқуқлари камситилишининг барча шаклларига барҳам бериш тўғрисида»ги Конвенция (CEDAW)га қўшилган.
Давра суҳбати доирасида Хотин-қизлар ҳуқуқлари камситилишининг барча шаклларига барҳам бериш бўйича тавсияларнинг бажарилиши юзасидан экспертларнинг хулосалари ҳамда Миллий ҳаракатлар режасининг бажарилиши юзасидан асосий натижалар тингланди, режанинг амалга ошишида юзага келган камчиликларнинг сабаблари таҳлил қилинди ҳамда уларнинг бартараф этиш бўйича тегишли тавсиялар берилди.
