Божхоначилар қарийб 700 млн сўмлик сифати кафолатланмаган косметика маҳсулотларини фош этишди

Хорижий давлатдан пойтахтда фаолият юритувчи масъулияти чекланган жамият номига келган товарларга тегишли йўл-юк кузатув ҳужжатларига мувофиқ косметика ва пол учун ишлатиладиган ламинация қопламалари олиб келиниши лозим эди, деб хабар бермоқда Тошкент шаҳар божхона бошқармаси.

Божхоначилар мазкур товарларни божхона кўригидан ўтказишганида, божхона юк декларациясида кўрсатилган пол учун ишлатиладиган ламинация қопламалари товарлари мавжуд эмаслиги, уларнинг ўрнига эса ҳужжатда кўрсатилганидан ортиқча қиймати 690 миллион сўмлик, 22 турдаги 187 078 дона косметика товарлари борлиги аниқланди.

Ҳозирда мазкур ҳолат юзасидан текширув ҳаракатлари давом эттирилмоқда.